كيف أنظف فرشي وأحافظ عليها

السلام عليكم ورحمة الله وبركاته 

وفتحت المدونة الحمدلله  ... من زمان حاطه ببالي أفتحها بس الكسل مأثر عليا 

سبق ونزلت في الانستقرام موضوع أول تدوينه والي هو عن تنظيف الفرش وكيف انك تحافظي عليها من التلف 

وإن شاء الله بعد فتره حبدأ أنزل أغلب الأشياء الي اتكلمت عليها بالانستقرام وحقسم البلوق على حسب موضوع التدوينه .

كيف أحافظ على فرشي وأنظفها ؟

أولاً أنا ماخذه فرشي من سقما وريل تكنيك، لها تقريباَ عندي سنتين والى الأن جودتها مثل ماهي ♥♥

وأشوف أنها من أفضل الفرش الموجوده مقارنة بجودتها وسعرها 

أحب أستخدم الشامبو والبلسم في التنظيف 

و بالعادة أنظفها مره في الشهر وأستخدم كف سيقما لتنظيف الفرش♥ جداً عملي وينظف بسرعه وأشوفه مهم للي عندنا فرش كثير ، و في بنات قالولي أنه في منتج شبيه لهذا الكف في بنده .

الكف ليه وجهين ، وجه للفرش الكبيره ووجه للفرش الصغيره ، حتحطي عليه الشامبو وتبدأي تفركي الفرش الين ماتحسي انها نظفت وبعدها تغسليها.

بعد ماتغسليها من الشامبو جيبي زبديه وحطي فيها بلسم مثل ما انتو شايفين في الصوره (كمية جداً ضئيله)  وامزجيها بالمويه وبعدها غمسي كل فرشه لثانيتين 

بعدها جيبي منشفه وأفرديها وحطي الفرش بشكل مقلوب عشان لاتدخل المويه داخل خشب الفرشه لتحاشي أنفصال الخشب عن الفرشه 

♥♥♥♥♥♥